Einkamáladálkurinn hér í hverfisblaðinu okkar er yndislegur. Ég les yfirleitt allar auglýsingarnar. Þetta eru alvörunni auglýsingar - ekki eintómar vændisauglýsingar, erótískt nudd og dirty talk.
Það eru til dæmis mjög margar auglýsingar sem hljóma nokkurnvegin á þessa leið:
Onsdag 17 augusti, Gamla Stan, kl. 18-19. Efterlyser dig kvinna sem jag fick ögonkontakt med vid Coop. Vi gick åt samma håll. Du svängde av vid Skappar Karls gränd. Du var klädd i beige tröja och kjol. 32755.
Efterlyser tjejen som jobbade i Vällingby C, måndag 4. juli, ca 17:50. Du var otrolig söt, charmig og trevlig. Sulle vara roligt att träffa dig utanför glasväggen. 32652.
Vá en rómantískt! Af hverju eru ekki svona dálkar á Íslandi? Björn Þoláks ætti að koma þessu á í nýja Akureyrarblaðinu sínu.
Svo eru sérdálkar þar sem karlar leita að konum, konur leita að mönnum, karlar að körlum og konur að konum. Þessar auglýsingar sem ég vísa í hér að ofan eru í dálknum "annað".
Svo eru líka vinadálkar. "Kona um fertugt óskar eftir vinum á öllum aldri, til að fara á kaffihús, pöbba, göngutúra. Þú verður að vera heiðarleg, myndarleg, ekki lesbísk, ekki veik á geði, fyndin og hafa áhuga á bátum."
Uppáhalds dálkarnir mínir! Kannski við Addi ættum að auglýsa eftir sænskum vinum í þessu blaði...
Frábært veður, tan á ströndinni í morgun en því miður bíða bækurnar óþolinmóðar!
Getiði auglýst eftir myndarlegum, handlögnum, fyndnum, ekki matvöndnum manni handa mér?
SvaraEyðaÞegar ég bjó í Frakklandi fannst mér vanta auglýsinar þar sem skiptinemar gátu komist í samband við afa og ömmur. Díllinn gæti verið þannig að skiptineminn hjálpaði til við innkaup, þrif eða annað tilfallandi og væri í staðinn boðið í mat eða kaffi og spjall. Góð æfing í málinu, maður kynnist siðum, venjum og matarmenningu sem e.t.v. unga fólkið er að glata niður og gamla fólkið fær aðstoð og félagsskap!
SvaraEyðaó hvað þetta er sætt...
SvaraEyðaYndislegt! Ég þarf alveg svona dálka í mín blöð... ég horfði á Friends with benefits um daginn og hætti snögglega við að vera ánægð með single lífið :) Auglýstu vinkonu þína!!! Kv Ásdís
SvaraEyðaahaha friends with benefits er svo sæt mynd :) Ég skelli inn auglýsingu í júní á næsta ári, rétt áður en þú kemur. Þá munu piltarnir bíða eftir þér í röðum, jafnvel bara strax á flugvellinum :)
SvaraEyðaÉg hef ekki ennþá séð barnapíur auglýsa þjónustu sína/fólk auglýsa eftir barnapíum. Hér virðast barnapíur aðallega fást í gegnum sérstök nanny fyrirtæki og það kostar formúu að fá slíka þjónustu.